Xa vai para un bo feixe de semanas, o amigo Calros nos comentaba que o Morrazo, noutrora capital do heavy nos oitenta, estaba a se converter agora en capital da electrónica na Galiza, e nos remitía a un novo netlabel especializado nese tipo de música, Teorema. Até agora non teñen unha web propia e traballan polo myspace, mais así e todo teñen xa lanzandos baixo licenzas creative commons, media ducia de EPs carregados de electrónica, techno e house; somándose deste xeito ao selo especializado tamén neste xénero musical Parafuso, que leva xa un ano lanzando novas propostas. No seu myspace din que pertencen ao Colectivo Feelthetrip, unha especie de asociación de dj galegos, principalmente cangueses, onde tamén podes descargar, baixo a mesma licenza, as súas producións.
E esta mañá, de novo Calros, achégame un correo que lle remitiran desde Teorema, anunciando o nacemento de Tres Catorce Netlabel, unha división do selo, enfocada cara o baile mental, e o lanzamento da súa primeira referencia: un compilatorio chamado Piedra Angular, cheo de sons ambient, jungle, post rock e mesmo dub. Neste disco recollen producións de Astroboyz, Leche, Movhi, One, Malt.Tabulated Sounds, A.I, SR Duck, Dark Squad, Danjelli, Nai-Ox, Misqulater, LUME Produccions, Jacobo Prieto, e Dedxound.
E pesquisando por estes sitios topamos tamén estoutros, que poden ser de interese para os siareiros destes sons de club e baile: Offaudio.com, portal e netlabel, sobre música techno en España e Flyers de Luxe, web de cultura electrónica viguesa.

O lugués Isídrez converteuse no grupo revelación deste ano do portal Promocióname, un sitio que naceu para promocionar, de balde, a artistas e grupos de música que queiran ter un espazo virtual para chegar ao grande público; e isto baixo licenzas Creative Commons. Isídrez gañou cun 30% dos votos a El Chapa (19%) e a Samueliko de las Praderas (17%). Isídrez anda a gravar novos temas, cantados en galego e en castelán, coa colaboración de Miguel Costas, ex-vocalista e guitarrista Siniestro Total, de Aerolíneas Federales e de Los Feliz.
+ info:
http://elprogreso.galiciae.com/nova/4739....
http://www.manerasdevivir.com/noticias/24... (castelán)
http://elprogreso.galiciae.com/nova/4739....

A emisora arxentina FM La Tribu fai un chamado a bandas e solistas de todo o mundo para participar nun compilado de apoio aos traballadores do subterráneo de Bos Aires.
A temática do disco vai ser O Traballo, e o lema: Música desobediente para que el trabajo deje de ser explotación y se transforme en creación colectiva. Música libre para nunca más convertir su belleza en pura mercancía. Piquetes sonoros. Huelgas acústicas. Marchas eléctricas. Reclamos a coro.
As canciones poden ser de calquera xénero musical, extensión e idioma, e deberán ser orixinais e publicadas baixo algunha destas licencias Creative Commons: BY-NC-ND, BY-NC-SA o BY-SA. Queren editar 1.000 unidades que van distribuír de balde en distintos puntos da cidade de Bos Aires, e tamén se poderá descargar libremente. O disco presentaríase en marzo de 2008 e cada banda escollida tería 20 exemplares para eles.
Hai tempo até o 1 de decembro para achegar a música, por e-mail a discosubte@gmail.com, en persoa ou por correo a FM La Tribu, Lambaré 873- C1185ABA.
+ info: na web da emisora.
vía: Zona Indie

A xestora holandesa Buma/Stemra (equivalente a SGAE na España) acordou facer unha proba piloto para que autores que teñen publicado baixo licenzas Creative Commons coa cláusula non comercial, poidan rexistrar as súas obras con eles, ou do revés. Deste xeito a xestora poderá administrar e garantir o cobro da explotación para usos comerciais da obra sen afectar nin atacar os usos non comerciais, isto é: troco, copia privada, difusión en podcastes, etc.
+ info: a nova en Buma/Sterma (inglés)
vía: zonaindie (castelán)