O directorio está organizado por categorías, se prefires velos todos dunha tacada mellor preme aquí.

Persoal

Ainda que os podcast son algo máis que blogues falados, a temática estrela dos blogues tamén vive nos podcast: "falar dun mesmo ou falar do que se queira".

• Areias sonoras

  "As areias comúns métense nos ollos, as areias sonoras entras polas orellas." Así se define un dos podcastes máis veteranos que ademais mantén a orixinalidade dos primeiros intres do podcasting. Pequenas pílulas sonoras que todo afeccionado ao podcast non debe perder.
  

• Benvidos ao meu manicomio

  No inicio dos podcast algunha xente relacionábaos con blogues falados, finalmente esa definición e só parte do podcasting e este é un dos exemplos máis senlleiros do estilo persoal para facer falangullos.
  

• Calidonia

  Calidonia conta, ademáis dun coñecido blogue, cun podcast no que podemos escoitar toda clase de curiosidades en formato sonoro. A exclusividade dos audios fan deste podcast unha recomendación con éxito asegurado.
  

• Falangullo Pataca

  Este é un podcast colaborativo "resultado da fusión de competencias podcasteiras entre O Páramo, Láncara e O Corgo, concellos do sur de Lugo." dirixido por Gelical, podcasteira de sona grazas ao seu Pataca Minuta en español.
  

• Ouveos na noite

  Ouveos na noite é unha das mutacións de Zimmer103 que no seu particular estilo ofrece unha ollada mandrílica da realidade. Como podcasteiro leva xa tempo con ouveos pero a súa aportación perdeuse no limbo dos servidores caidos, esta é a súa segunda xeira de ouveos.